Shkruan: Ergita ZAJMI, Psikologe klinike….
Ankthi i përgjithësuar është një shqetësim dhe mërzi e vazhduar, e tepruar dhe jo realiste mbi pothujase të gjitha rrethanat jetësore, që shoqërohet me një ndjenjë mungese kontrolli dhe një vigjilencë të lartë ndaj çdo stimuli të lidhur me situata kërcënuese, andaj nëse kjo situate vazhdon më shumë se gjashtë (6) muaj atëher individi duhet të konsultohet me specialistin e kësaj fushe.
Individi që vuan nga ky çrregullim e ka të vështirë ta kontrollojë shqetsimin e përjetuar, të cilat shoqërohen me këto simptoma:
-paaftësi për tu qetësuar
-ndjenjë lodhjeje ose lodhje e shpejtë
-vështirësi në përqëndrim ose bllokim i mendjes
-iritueshmëri
-tension muskulor
-shqetësim gjumi
Çrregullimi i ankthit të përgjithësuar mund të jetë shpeshë shoqërues i çrregullimeve të tjera si: çrregullimi i humorit, çrregullime psikotike apo probleme tjera shëndetsore, po ashtu mund të shoqërohet me probleme ekonomike sociale.
Pranimi pothuajse është gjëja më e vështirë që i sfidon njerëzit, pranimi i një situate të tillë që ka ndodhur dhe shikimi nga e ardhmja dhe jo nga ajo ‘’po të mos ndodhte’’ edhe ashtu gjërat që kanë ndodhur nuk mund të kthehen. Nuk ka një shkak gjendja e ankthit por edhe nëse do të kishte atëher janë disa faktorë që luajnë një rol të rëndësishëm.
Andaj këshillohet që individët t’i vëjnë vetit synime realiste që mund të përballohen (t’i njohë kufizimet e veta dhe të mos vazhdojë të pranon përgjithësi që nuk mund t’i përballon),herë pas here të nderron ambient dhe të largohet nga rutina, është e rëndësishmë të mos ndërlikohen shumë emocionalisht me njerëzit tjerë, përpjekja për ti ndihmuar të tjerët aq sa të jetë e mundur, konsumimi me njerëz të tjerë që kanë përgjithësi të ngjajshme me ne, aplikimi i teknikave të relaksimit si p.sh:
1.Frymëmarrja e thellë– është një metod tejet efektive për të hyrë në një gjendje të relaksuar.
2.Relaksimi progresiv– shtrirja në shpinë dhe mbyllja e syve dhe si rezultat i saj e ndjeni peshën e trupit tuaj, gradualisht tensioni bie.
3.Vizualizimi imagjinativ– fillon të ketë sukses në momentin kur e leni imagjinatën tuaj të rrjedhë plotësisht e qetë dhe pa ngarkesa në ato objekte që vërtet sjellin relaksim si plazhet dhe deti, fotografitë relakusuese.
4.Numërimi– numëroni qetë me symbyllur nga 1 deri 100 dhe lëreni që mendja të çlirohet nga ngarkesat dhe të ndërpritet numërimi kur të vijë relaksimi, dremitja dhe gjumi.
5.Muzika e këndshme– është një model tejet efikase dhe relaksuese, gjeni një këngë relaksuese dhe dëgjojeni duke përdorur njëherësh përftyrimin për gjërat që të cilat i flet kënga duke e ndërlidhë më një përjetim të këndshëm të juajin.
6.Ecja, shëtitja– është tejet efektive për tu relaksuar minimum deri në 30 minuta në ditë, duke zgjedhë një vend që ju pëlqen, merrni gjëra të nevojshme dhe qetësohuni bashkë me natyrën që keni përpara dhe rreth vetës. Apo dhe shkuarja ne aerobi, fitnes.
7.Meditimi – përfshin cdo veprimtari që ndihmon për të mbajtur vëmendjen tuaj në qetësi në momentet e tanishme.
8.Masazhi – është një mënyrë tjetër e relaksimit shumë efektive e cila përfshin shtendosjen muskulore përmes ushtrimeve dhe lëvizjeve të gjymtyrëve të caktuara të trupit si qafës, këmbëve, duarëve,etj.
9.Gjumi– përcaktimi i një orari gjumi për çdo natë dhe zgjimi gjithashtu në orar. Krijimi i një atmosfere komode në dhomen e gjumit, një dush të ngrohtë para gjumit, një libër për të shfletuar disa faqe, larg televizorit, larg internetit. Ushtrime para gjumit si numërimin mbrapsht nga 50 deri në një herë apo dy a tri herë.
Gjithashtu aktivizimi në punët e shtëpis,kujdesin për vete, higjienen etj.
Shkruan: Ergita ZAJMI, Psikologe klinike…
