Përktheu dhe përshtati: Klaudia SINANI, Logopede…
Frymëshkëmbimi është një nga proceset jetësore të njeriut, i cili ndikon në cilësinë e jetës sonë.
Realizimi i një frymëshkëmbimi të rregullt është një strategji që na ndihmon për një zhvillim më të mirë mendor dhe fizik. Gjithashtu na ndihmon në menaxhimin e emocioneve përballë situatave të ndryshme, si ato stresuese apo anksioze.
Jemi të vetëdijshëm që në situata të tilla, të mbingarkuara emocionalisht, frymëmarrja ndryshon.
Si të rriturit dhe fëmijët tentojnë të realizojnë frymëmarrje të shkurtra, të shpejta dhe jo të bollshme, madje shpeshherë kalojmë në hiperventilim. E njëjta gjë ndodh dhe me frymënxjerrjen, duke çuar në çrregullim të raportit frymëmarrje/frymënxjerrje.
Ky çekuilibrim çon në përkeqësim të situatës emocionale të personit për shkak të mosfurnizimit të mjaftueshëm të sistemit nervor me oksigjen.
Për këtë arsye është e rëndësishme të praktikohemi për një frymëmarrje të shëndetshme.
Ekzistojnë një sërë teknikash si për të rriturit dhe fëmijët. Është e rëndësishme që në të dyja kategoritë të mësohet të realizojnë një frymëmarrje të qetë duke mbajtur një pozicion relaksi, si ai ulur apo shtrirë.
Për sa i përket fëmijëve përqëndrohemi në realizimin e teknikave efektive dhe argëtuese, ndër të cilat përmendim:
- 1- Teknika e lules – jepini fëmijës një lule dhe kërkojini ta nuhasë duke marrë frymë me hundë dhe ta nxjerrë atë përmes gojës.
- 2- Fërshëllima e gjarprit – këërkojini fëmijës të marrë frymë thellë përmes hundës, ta mbajë atë për 3 sekonda dhe pastaj ta nxjerrë ngadal përmes gojës si fërshëllima e gjarprit.
- 3- Frymëmarrja e ariut – tregojini fëmijës të marrë frymë thellë duke numëruar 3..2..1, ta mbajë frymën Brenda për 3..2..1 dhe pastaj ta nxjerrë përpara se të numëroni 3..2..1
- 4- Frymëmarrja e lepurushit – mësojini fëmijës të nuhasë njësoj si lepurushët e vegjël, a nuk është argëtuese kjo për ta? Kërkojini të bëjë tre frymëmarrje të shpejta përmes hundës dhe pastaj një frymënxjerrje të thellë sërish përmes hundës.
Ushtrimet këshillohen të përsëriten disa herë gjatë ditës dhe çdo ditë. Do të vini re një përmirësim të gjendjes mendore, fizike dhe emocionale të fëmijës. Gjithashtu një përmirësim të cilësisë së zërit dhe artikulimit.
Përktheu dhe përshtati: Klaudia SINANI, Logopede…
