Shkruan: Ana VELIU, Psikologe Klinike
Gjëja më e rëndësishme për t’u mbajtur mend është se leximi duhet të jetë një përvojë për t’u shijuar e jo të kthehet në një “punë të rëndë”. Ju mund të përdorni aktivitetet e mëposhtme për ta tërhequr natyrshëm fëmijën tuaj drejt leximit që në moshën parashkollore.
- Flisni me beben tuaj apo fëmijën e vogël përpara se ai të mësojë të flasë. Këto “biseda” do ta ndihmojnë fëmijën të mësojë shprehi të rëndësishme gjuhësore. Shumica e fëmijëve kanë nevojë për shprehi të mira në të folur që të itojnë në të ardhmen shprehi të mira në shkrim dhe lexim. Përdorni lojërat gjuhësore që u përmendën më sipër.
- Lexojini fëmijës suaj të paktën 30 minuta çdo ditë. Fëmija kështu do të kuptojë se si lexohet (nga e majta në të djathtë, nga lart poshtë) dhe do të shtojë jalorin e vet (edhe ata më të vegjlit). Lëvizni gishtin tregues përgjatë tekstit që jeni duke lexuar. Kjo e ndihmon fëmijën të mësojë se jalët e shtypura kanë kuptim. Gradualisht mund t’i kërkoni atij të gjejë shkronjat dhe tingujt.
- Këndoni këngë dhe lexoni vjersha që kanë tinguj përsëritës. Përsëritja e ndihmon fëmijën të kuptojë ngjashmërinë dhe modelet në tingujt që ju lëshoni.
- Jepni modele të mira leximi. Ndihmojeni fëmijën të kuptojë se leximi është i rëndësishëm duke i rënë në sy kur lexoni një hartë, një libër, një recetë gatimi apo tabelat në rrugë. Sugjeroni leximin si një nga aktivitetet interesante në kohën e lirë. Librat që fëmijës i pëlqejnë mbajini në një vend të dukshëm që ai e arrin lehtë.
- Vizitoni libraritë dhe panairet e librit (aty ku ka). Bëjeni leximin më tërheqës për fëmijën duke e prezantuar atë me “botën” konkrete të librave.
- Sigurohuni që në çerdhen apo kopshtin e fëmijës suaj edukatoret të lexojnë përditë me zë të lartë dhe t’i ofrojnë fëmijës libra për t’i parë.
- Shkruan: Ana VELIU, Psikologe Klinike
