Pyetje për psikologun. (Pyetja autentike – për shkak të autencitetit)
pershendetje jam 27 vjeqe qe 4 vite jam ne nje gjendie te tmerrshme qe nga lindia jam ne depresion ka pas raste qe mka kalu per nje koh po prap me esht shfaq sa her dal nga shpia me liget trupi veq dridhna me duket vetia sikur jam tu u qmend me rrin mendia veqq tek smunia me duket qe merren men sikur me zinet fryma jam ne nje gjendie shum te keqqe kisha lut mem kshillu qysh me kalu se mdoket sikur smundem kurrr me kalu kit gjendie
Përgjigjet: Ilir HAVOLLI, Psikolog Klinik…..
Përshendetje e nderuar.
Nga pak informacione që kemi nga ti, shqetësimi aktual i juaji që na paraqitni më anën e këytre simptomave, lidhet më shumë më çrregullimet e ankthit, i cili karakterizohet më: dridhje, tension muskular, shqetësim, lodhje, mosmbushja më frymë, rrahje e shpejte e zëmres, djersitje, marrje mendësh, tharje goje, përzierje, të dridhura, urinim i shpesh, etj
Duke pas parasysh se kjo të përseritet shpesh sipas pohimit tënd, atëherë këshillohet që t’i vësh vetës synime realiste për menaxhimin e ankthit, në mënyrë që të mund ta përballosh hap pas hapi.
Ti duhet ti njohësh kufizimet e tua dhe të vazhdosh të përballesh më realitetin, duke u fokusuar në aplikimin më etapa të teknikave të relaksimit, ku ne do të japim disa nga teknikat të cilat mund ti praktikosh edhe në ambientin familjar, dhe vetëm pasi të arrish të menaxhosh ankthin në këtë mënyrë, ti do arrish të përballësh më shumë lehtësi më situatat që të shkaktojnë ankth.
Ajo që është më e rëndesishmja në jetë, është fakti se situata juaj është kaluese, ndërsa ty të mbetët të shohës përtej gjëndjes në të cilën përballësh. -Më durim, motiv dhe vëndosmëri kalohet çdo gjë!
Disa nga teknikat janë:
1.Frymëmarrja e thellë– është një metod tejet efektive për të hyrë në një gjendje të relaksuar.
2.Relaksimi progresiv– shtrirja në shpinë dhe mbyllja e syve dhe si rezultat i saj e ndjeni peshën e trupit tuaj, gradualisht tensioni bie.
3.Vizualizimi imagjinativ– fillon të ketë sukses në momentin kur e leni imagjinatën tuaj të rrjedhë plotësisht e qetë dhe pa ngarkesa në ato objekte që vërtet sjellin relaksim si plazhet dhe deti, fotografitë relakusuese.
4.Numërimi– numëroni qetë me symbyllur nga 1 deri 100 dhe lëreni që mendja të çlirohet nga ngarkesat dhe të ndërpritet numërimi kur të vijë relaksimi, dremitja dhe gjumi.
5.Muzika e këndshme– është një model tejet efikase dhe relaksuese, gjeni një këngë relaksuese dhe dëgjojeni duke përdorur njëherësh përftyrimin për gjërat që të cilat i flet kënga duke e ndërlidhë më një përjetim të këndshëm të juajin.
6.Ecja, shëtitja– është tejet efektive për tu relaksuar minimum deri në 30 minuta në ditë, duke zgjedhë një vend që ju pëlqen, merrni gjëra të nevojshme dhe qetësohuni bashkë me natyrën që keni përpara dhe rreth vetës. Apo dhe shkuarja ne aerobi, fitnes.
7.Masazhi– është një mënyrë tjetër e relaksimit shumë efektive e cila përfshin shtendosjen muskulore përmes ushtrimeve dhe lëvizjeve të gjymtyrëve të caktuara të trupit si qafës, këmbëve, duarëve,etj.
8.Gjumi– përcaktimi i një orari gjumi për çdo natë dhe zgjimi gjithashtu në orar. Krijimi i një atmosfere komode në dhomen e gjumit, një dush të ngrohtë para gjumit, një libër për të shfletuar disa faqe, larg televizorit, larg internetit. Ushtrime para gjumit si numërimin mbrapsht nga 50 deri në një herë apo dy a tri herë.
Gjithashtu aktivizimi në punët e shtëpis,kujdesin për vete, higjienen etj.
Ju falenderojmë për pyetjen e drejtuar në redaksinë tonë. Gjithashtu uroj t’ju kemi ardhur sado pak në ndihmë!
Përgjigjet: Ilir HAVOLLI, Psikolog Klinik…..
