Shkruan: Ilir HAVOLLI, Psikolog klinik…..
Shumë njerëz e jetojnë jetën e tyre, sikur qëllimi i saj sekret të ishte vetëm të kryenin të gjitha punët që kanë dhe çdo punë tjetër që ju del. Ne qëndrojmë zgjuar deri natën vonë, ngrihemi shumë herët në mëngjes, shmangim argëtimet dhe i lëmë të presin personat që duam.
Fatkeqësisht, shumë njerëz që i lenë pas dorë njerëzit e zemrës për një kohë aq të gjatë, dikur ata humbin interesin për të ruajtur marrëdhenien mes tyre.
Shpesh ia mbushim vetës mendjen se fiksimi ynë me listën e punëve për të kryer, është vetëm i përkohshëm, dhe që sapo ti mbarojmë të gjitha ato që kemi në listë, do të ndjehemi më të qetë, me të relaksuar, dhe më të gëzuar. Por në realitet, kjo ndodh rrallë. Sapo të kryejmë diçka, menjëherë i shtohet diçka tjetër listës.
Natyra e listës është e atillë, që do të thotë se do të ketë gjithmonë punë të cilat do jenë për tu kryer, e nuk do të jetë asnjëherë bosh.
Gjithmonë do të ketë telefonata që do të jenë të nevojshmë për tu bërë, projekte për tu realizuar dhe punë që duhen përfunduar. Në fakt, ajo listë e gjëravë për ti përfunduar nuk mbaron kurrë, dhe pavarësisht se kush je, ose çfarë pune bën, mos harro, kujto se asgjë nuk është më e rëndesishme se sa vetë lumturia jote, qetësia e brendëshme dhe personat që do më shumë në botë.
Nëse je i fiksuar për të kryer të gjitha punët, nuk do ta kesh kurrë sensin e të qënurit i lumtur. Në realitet, pothuajse gjithçka mund të kryhet më vonë.
Mbaje mend, se edhe kur të vdesësh, do të kesh përsëri punë të pambaruara, të cilat duhen kryer.
Dhe e di çfarë?
Dikush tjetër do ti bëj ato për ty.
Andaj mos i humb momentet më të çmuara të jetës tënde duke ndier keqardhje për atë që nuk mund ta shmangesh.
Shkruan: Ilir HAVOLLI, Psikolog klinik…..
